Is uachtaráin agus ginearáil iad mná, leis!
Cad a ritheann leat nuair a fheiceann tú uachtarán mná ag bronnadh suaitheantais ar ardoifigeach airm mná? An gcuireann aon rud iontas ort anseo?
Is mithid deireadh a chur le réamhchlaontaí a theorannaíonn roghanna ban agus an deis chéanna a thairiscint do chách chun dul i mbun róil ceannaireachta. Tá gach tallann atá ar fáil de dhíth ar ár ngeilleagair agus ar ár sochaithe chun todhchaí níos fearr a chinntiú do chách.
An tsíleáil ghloine a pholladh: Cuirimis dúshlán faoi steiréitíopaí inscne
Tá éifeacht dhiúltach ar an tsochaí ag an easpa ban i róil cheannaireachta. Léiríonn taighde gur fearr an chinnteoireacht i róil cheannaireachta, feidhmíocht eagraíochtaí agus gur mó an nuálaíocht nuair a bhíonn éagsúlacht i bpoist cheannaireachta. Ina ainneoin sin, tá tearcionadaíocht ag mná i bpoist chinnteoireachta i gcónaí, i ngach earnáil, idir pholaitíocht agus ghnó, agus sa saol acadúil.
Treisíonn sé seo an miotas gur oiriúnaí fir ná mná do phoist cheannaireachta agus tugann sé an teachtaireacht mhícheart do chailíní agus do mhná óga, nach bhfuil siad in ann cinntí a dhéanamh nó nach bhfuil an cúram sin tuillte acu. Caithfear an fáinne fí seo a bhriseadh agus tuilleadh ban a thabhairt isteach i bpoist cheannaireachta sa bhainistíocht agus sa pholaitíocht chun bheith mar eiseamláirí do na glúnta atá le teacht.
Spreagann an Coimisiún Eorpach tíortha AE chun tuilleadh ban a cheapadh i bpoist cheannaireachta agus tá roinnt tionscadal á maoiniú chun tacú leis an sprioc seo. Cabhróidh dlíthe nua AE chun an chothromaíocht inscne i bpoist chinnteoireachta a fheabhsú sna cuideachtaí liostaithe is mó san Aontas trí nósanna imeachta cothroma trédhearcacha a chinntiú agus iarrthóirí á roghnú do phoist bhoird. Is féidir leat céimeanna beaga a ghlacadh sa treo seo freisin trí gan ligean d’ionchais do mhianta a theorannú nó trí éisteacht le mná agus cailíní agus iad a spreagadh chun a gcuid spriocanna a leanúint, nuair a d’fhéadfadh go mbeadh tionchar ag na steiréitíopaí thart timpeall orthu.
Féach lastall de na figiúirí
Bearta praiticiúla chun dul i ngleic le steiréitíopaí inscne
Ní féidir an ceann is fearr a fháil ar steiréitíopaí inscne ach trí bhearta nithiúla a dhéanamh agus rannpháirtíocht chomhionann na mban agus na bhfear a mhisniú i ngach gné den saol. Faigh amach faoi roinnt tionscadal a mhaoiníonn an tAontas chun dul i ngleic le steiréitíopaí inscne:
Gníomhaímis le chéile!
Ar mhaith leat dúshlán a chur faoi steiréitíopaí inscne agus comhionannas inscne níos fearr a chur chun cinn? Chun feasacht a mhúscailt ar an ábhar seo, comhroinn ábhair an fheachtais leis an haischlib #EndGenderStereotypes.
Tá sé de chumhacht ag an uile dhuine athrú a chur i bhfeidhm!
- Digital kit - Ръководни позиции
- Digital kit - Toma de decisiones
- Digital kit - Rozhodování
- Digital kit - Beslutningstagning
- Digital kit - Entscheidungsfindung
- Digital kit - Otsuste tegemine
- Digital kit - Λήψη αποφάσεων
- Digital kit - Decision-making
- Digital kit - Prise de décision
- Digital kit - Donošenje odluka
- Digital kit - Processo decisionale
- Digital kit - Lēmumu pieņemšana
- Digital kit - Sprendimų priėmimas
- Digital kit - Döntéshozatal
- Digital kit - Teħid ta’ deċiżjonijiet
- Digital kit - Besluitvorming
- Digital kit - Podejmowanie decyzji
- Digital kit - Tomada de decisões
- Digital kit - Luarea deciziilor
- Digital kit - Rozhodovanie
- Digital kit - Sprejemanje odločitev
- Digital kit - Päätöksenteko
- Digital kit - Beslutsfattande
