Tugann an Daid aire do leanaí, leis!
Cad a ritheann leat nuair a fheiceann tú athair ag cóiriú ghruaig a iníne? An bhfeiceann tú aon rud as an ngnáth?
Cuireann steiréitíopaí inscne srian linn uile. Cuirimis deireadh leo chun saol d’fhéidearthachtaí nua a chur ar fáil! Ní bhaineann cúram agus obair ghairmiúil le haon inscne ar leith. Is mithid deireadh a chur le brú sochaíoch agus comhdheiseanna a chruthú ionas gur féidir linn ar fad bláthú inár saol pearsanta agus gairmiúil araon. Is féidir linn domhan níos cothroime atá níos cothromaithe ó thaobh inscne a chruthú i dteannta a chéile.
Cothromaíocht a bhaint amach: Cuirimis dúshlán faoi steiréitíopaí inscne
Is ar mhná i gcónaí a thiteann ualach díréireach den chúram leanaí. De ghnáth is mná seachas fir a oibríonn go páirtaimseartha, a scoireann dá ngairmeacha ar feadh tamaill, nó a íslíonn a n-uaillmhianacha gairmiúla. Fágann sé sin gur lú a íoctar mná san uair ná fir ar an meán, agus bíonn tionchar diúltach aige seo ar a bpinsin, ionas gur mó seans go mbeidh siad eisiata go sóisialta agus bocht. Is féidir leis an dara teacht isteach i dteaghlach an bhochtaineacht a choimeád ó dhoras. Ní mór cúraimí cúraim a roinnt idir bheirt tuismitheoirí le tacaíocht ó sheirbhísí cúram leanaí atá inacmhainne agus ar ardchaighdeán. Téann sé seo chun leasa páistí, chomh maith. Cothaíonn bearta cothromaíochta oibre is saoil solúbthacht a fhéadann a bheith tairbheach, go háirithe do thuismitheoirí aonair.
Féadann bearta a chuireann comhoiriúnacht níos mó idir saol na hoibre agus saol an teaghlaigh chun cinn cabhrú chun comhionannas inscne a bhaint amach. Spreagann siad fir agus mná chun cúraimí cúraim a roinnt go cothrom agus déanann siad níos fusa ar mhná é obair íoctha a fháil nó filleadh air tar éis tréimhse saoire ar chúiseanna teaghlaigh. Féadann cothromaíocht idir an saol pearsanta agus an saol gairmiúil cabhrú chun go mbeidh tuismitheoirí níos sona tríd is tríd.
Cuirtear cothromaíocht oibre is saoil agus rochtain níos fearr ar sheirbhísí cúram leanaí chun cinn i mbeartais AE ar nós An Treoir maidir le Cothromaíocht Oibre is Saoil agus Straitéis Cúraim AE. Is féidir libhse, mar fhostaithe, fostóirí, nó tuismitheoirí, bearta beaga a dhéanamh: Mar fhostóir, cruthaigh cothromaíocht oibre is saoil níos fearr do d’fhostaithe. Mar thuismitheoirí, is féidir libh cúraimí tuismitheoireachta agus teaghlaigh a roinnt. Déanfaidh na mionathruithe seo maitheas dúinn go léir!
Féach lastall de na figiúirí
Foinsí:
Eorabharaiméadar Speisialta 465: Comhionannas Inscne 2017
Réiteach idir saol na hoibre agus saol an teaghlaigh - staitisticí EUROSTAT
Suirbhé EIGE ar Bhearnaí Inscne i gCúram Neamhíoctha, Gníomhaíochtaí Aonair agus Gníomhaíochtaí Sóisialta, 2022, a dhéanfar go luath.
Bearta praiticiúla chun dul i ngleic le steiréitíopaí inscne
Ní féidir an ceann is fearr a fháil ar steiréitíopaí inscne ach trí bhearta nithiúla a dhéanamh agus rannpháirtíocht chomhionann na mban agus na bhfear a mhisniú i ngach gné den saol. Faigh amach faoi roinnt tionscadal a mhaoiníonn an tAontas chun dul i ngleic le steiréitíopaí inscne:
Gníomhaímis le chéile!
Ar mhaith leat dúshlán a chur faoi steiréitíopaí inscne agus comhionannas inscne níos fearr a chur chun cinn? Chun feasacht a mhúscailt ar an ábhar seo, comhroinn ábhair an fheachtais leis an haischlib #EndGenderStereotypes.
Tá sé de chumhacht ag an uile dhuine athrú a chur i bhfeidhm!
- Digital kit - Баланс между работата и личния живот
- Digital kit - Equilibrio entre la vida laboral y la vida privada
- Digital kit - Rovnováha mezi pracovním a osobním životem
- Digital kit - Balance mellem arbejdsliv og privatliv
- Digital kit - Work-Life-Balance
- Digital kit - Töö ja eraelu tasakaal
- Digital kit - Εναρμόνιση επαγγελματικής, οικογενειακής και προσωπικής ζωής
- Digital kit - Work-life Balance
- Digital kit - Équilibre entre vie personnelle et vie professionnelle
- Digital kit - Ravnoteža poslovnog i privatnog života
- Digital kit - Equilibrio tra vita privata e professionale
- Digital kit - Darba un privātās dzīves līdzsvars
- Digital kit - Profesinio ir asmeninio gyvenimo pusiausvyra
- Digital kit - A munka és a magánélet közötti egyensúly
- Digital kit - Bilanċ bejn ix-xogħol u l-ħajja privata
- Digital kit - Werk-privébalans
- Digital kit - Równowaga między życiem zawodowym a prywatnym
- Digital kit - Equilíbrio trabalho-vida
- Digital kit - Echilibrul dintre viața profesională și cea personală
- Digital kit - Rovnováha medzi pracovným a súkromným životom
- Digital kit - Usklajevanje poklicnega in zasebnega življenja
- Digital kit - Työn ja yksityiselämän tasapaino
- Digital kit - Balans mellan arbete och privatliv
