Mur għall-kontenut ewlieni
Bandiera tal-Unjoni Ewropea
Malti
#EndGenderStereotypes

Teħid ta’ deċiżjonijiet

A female President decorating a high-ranking military woman Surprising? #EndGenderStereotypes
Mhux mistenni?

#EndGenderStereotypes

In-nisa huma presidenti u ġenerali wkoll

X’jiġi f’moħħok meta tara president mara tonora suldat mara ta’ grad għoli? Tara xi ħaġa sorprendenti?

Wasal iż-żmien li nġibu fi tmiemhom il-preġudizzji li jillimitaw il-potenzjal tan-nisa u noffru opportunitajiet indaqs lil kulħadd biex jassumi rwoli ta’ tmexxija. L-ekonomiji u s-soċjetajiet tagħna jeħtieġu t-talent kollu li huwa disponibbli biex jiġi żgurat futur aħjar għal kulħadd.

Inkissru s-saqaf tal-ħġieġ: Ejjew niġġieldu l-istereotipi marbuta mal-ġeneru

In-nuqqas ta’ nisa fi rwoli ta’ tmexxija għandu impatti negattivi fuq is-soċjetà. Ir-riċerka wriet li d-diversità tal-ġeneru f’pożizzjonijiet ta’ tmexxija twassal għal teħid ta’ deċiżjonijiet aħjar, prestazzjoni organizzattiva mtejba, u aktar innovazzjoni. Minkejja dan, in-nisa għadhom sottorappreżentati fil-pożizzjonijiet tat-teħid tad-deċiżjonijiet fis-setturi kollha, mill-politika għan-negozju sal-akkademja.

Dan jipperpetwa l-kunċett ħażin li l-irġiel huma aktar adatti għat-tmexxija u jibgħat il-messaġġ ħażin lill-bniet u lin-nisa żgħażagħ li mhumiex kapaċi jew denji li jieħdu deċiżjonijiet. Jeħtieġ li nwaqqfu dan iċ-ċiklu vizzjuż u nressqu aktar nisa lejn pożizzjonijiet maniġerjali u ta’ tmexxija politika biex iservu bħala mudelli għall-ġenerazzjonijiet futuri.

A profile picture of a high-ranking military woman in her uniform

Il-Kummissjoni Ewropea qed tħeġġeġ lill-pajjiżi tal-UE biex ikollhom aktar nisa f’pożizzjonijiet ta’ teħid ta’ deċiżjonijiet u qed tiffinanzja diversi proġetti li jappoġġaw dan l-għan. Regoli ġodda tal-UEse jtejbu l-bilanċ bejn il-ġeneri f’pożizzjonijiet ta’ teħid ta’ deċiżjonijiet fl-akbar kumpaniji kkwotati tal-UE billi jiżguraw proċeduri ġusti u trasparenti fl-għażla tal-kandidati għall-pożizzjonijiet fil-bordijiet. Tista’ wkoll tieħu passi żgħar f’din id-direzzjoni billi ma tħallix l-aspettattivi jillimitaw l-aspirazzjonijiet tiegħek jew billi tisma’ lin-nisa u lill-bniet u tħeġġiġhom isegwu l-għanijiet tagħhom, meta huma stess jistgħu jkunu influwenzati mill-istereotipi ta’ madwarhom.

A profile picture of a female President

Naraw lil hinn mill-figuri

69% tal-Ewropej jaħsbu li n-nisa għandhom probabbiltà akbar mill-irġiel li jieħdu deċiżjonijiet skont l-emozzjonijiet tagħhom.
32% tal-membri tal-parlamenti nazzjonali madwar l-UE huma nisa.
8% tal-uffiċjali kap eżekuttivi tal-kumpaniji kbar ikkwotati fl-UE huma nisa.

 

L-indirizzar tal-istereotipi marbuta mal-ġeneru fil-prattika

L-uniku mod biex negħlbu l-istereotipi marbuta mal-ġeneru huwa billi nieħdu azzjonijiet konkreti u nħeġġu l-parteċipazzjoni ugwali tan-nisa u tal-irġiel fl-aspetti kollha tal-ħajja. Sir af aktar dwar xi proġetti ffinanzjati mill-UE li jindirizzaw l-istereotipi marbuta mal-ġeneru::

Co-Funded by the European Union logo
L-Emanċipazzjoni tan-Nisa f'Soċjetà Attiva (EWA)

L-istereotipi u t-twemmin marbuta mal-ġeneru spiss jillimitaw l-impenn politiku tan-nisa żgħażagħ. Dan il-proġett Sloven se jagħti s-setgħa lin-nisa żgħażagħ u joħloq opportunitajiet aħjar għall-involviment tagħhom fil-politika u l-parteċipazzjoni ċivika.

Co-Funded by the European Union logo
Poter tan-Nisa Mexxejja (POWER)

L-għan ta’ dan il-proġett huwa li jġib bidla fil-kultura Estonjana fuq il-post tax-xogħol sabiex jgħin lin-nisa jilħqu rwoli ta’ tmexxija, kemm fis-settur pubbliku kif ukoll f’dak privat.

 

Ejjew nieħu azzjoni flimkien!

Trid tiġġieled l-istereotipi u tgħin biex tippromwovi l-ugwaljanza bejn il-ġeneri? Biex tgħin tqajjem kuxjenza dwar dan is-suġġett, xerred il-materjal tal-kampanja bil-hashtag #EndGenderStereotypes.

Kulħadd għandu s-setgħa li jġib bidla!

 

Tixtieq tkun taf aktar?

Ikklikkja fuq it-temi ta’ hawn taħt biex tiskopri fejn u kif l-istereotipi marbuta mal-ġeneru sawru d-dinja tagħna u kif nistgħu nimxu ’l quddiem flimkien.