In-nisa huma pumpiera wkoll!
X’jiġi f’moħħok meta tara pumpiera mara? Tara xi ħaġa mhux normali?
Il-biċċa l-kbira tan-nies jimmaġinaw raġel meta jaħsbu f’pumpier. Madankollu, huwa importanti li t-tfajliet jirrealizzaw li huma wkoll jistgħu jagħmlu xogħlijiet li normalment huma maħsuba li jitwettqu mill-irġiel. Bħal l-ewwel mara fiċ-Ċekja li mill-2022 bdiet taħdem bħala pumpier fit-tim operattiv tal-emerġenza. B’mod simili, il-ġuvintur jistgħu jagħmlu xogħlijiet li n-nies jaħsbu li huma għan-nisa.
Il-professjonijiet għandhom ikunu dwar il-kapaċità u l-passjoni għall-impjieg, mhux dwar il-ġeneru tiegħek.
Ejjew inkunu rivoluzzjonarji: Ejjew niġġieldu l-istereotipi marbuta mal-ġeneru
Sa minn meta jibdew jattendu l-kindergarten, it-tfal jibdew jaħsbu dwar dak li jridu jagħmlu meta jikbru. Anke f’dak il-każ, huma esposti għal stereotipi marbuta mal-ġeneru. Il-ġugarelli u l-attivitajiet li jingħatawlhom jgħinuhom jiżviluppaw ħiliet li mhumiex biss importanti għax-xogħol iżda għall-ħajja b’mod ġenerali. L-adulti li t-tfal jaraw bħala mudell jista’ jkollhom ukoll influwenza qawwija fuqhom.
L-istudji wrew li t-tfal jibdew jassoċjaw diversi impjiegi ma’ ġeneru speċifiku minn età bikrija. Aktar tard fil-ħajja, il-bniet għandhom probabbiltà akbar li jkunu ggwidati u jagħżlu li jsegwu studji jew taħriġ vokazzjonali fl-edukazzjoni, is-saħħa, il-benessri, u l-istudji umanistiċi, filwaqt li s-subien għandhom probabbiltà akbar li jagħżlu u jsegwu studji jew taħriġ vokazzjonali fix-xjenza, it-teknoloġija, l-inġinerija u l-matematika (STEM). Filwaqt li ħafna fatturi jistgħu jinfluwenzaw deċiżjonijiet bħal dawn, huwa importanti li niddiskutu l-impatt tal-istereotipi marbuta mal-ġeneru.
Id-disparitajiet bejn il-ġeneri fl-edukazzjoni huma replikati fis-suq tax-xogħol. Dan għandu impatt fuq l-introjtu u l-karrieri. Pereżempju, is-salarji fl-industrija tal-kura, huma ħafna aktar baxxi minn dawk fl-industriji tal-enerġija jew tal-kostruzzjoni, li huma ddominati mill-irġiel.
Huwa importanti li l-istereotipi jiġu miġġielda sa minn età żgħira sabiex jinkisru. Għandna nikkunsidraw ukoll kif l-istereotipi marbuta mal-ġeneru jinteraġixxu ma’ forom oħra ta’ preġudizzju, li jsaħħu d-diskriminazzjoni.
Il-Kummissjoni Ewropea qed tieħu firxa ta’ passi biex tippromwovi l-ugwaljanza bejn il-ġeneri fl-edukazzjoni u fis-suq tax-xogħol. Xi miżuri għandhom l-għan li jattiraw aktar nisa lejn oqsma fejn huma sottorappreżentati, bħall-ambjent, l-enerġija u l-industrija diġitali. Oħrajn qed jaħdmu biex jeliminaw id-differenza bejn il-ġeneri fil-pagi. Inti wkoll tista’ tieħu azzjonijiet żgħar biex tiġġieled l-istereotipi marbuta mal-ġeneru. L-ewwel pass huwa li ssir konxju dwarhom u kif jaffettwaw, pereżempju, l-għażliet tal-karriera u edukattivi tagħna.
Naraw lil hinn mill-figuri
L-indirizzar tal-istereotipi marbuta mal-ġeneru fil-prattika
L-uniku mod biex negħlbu l-istereotipi marbuta mal-ġeneru huwa billi nieħdu azzjonijiet konkreti u nħeġġu għażliet ta’ karriera mingħajr stereotipi marbuta mal-ġeneru. Sir af aktar dwar xi proġetti ffinanzjati mill-UE li jindirizzaw l-istereotipi marbuta mal-ġeneru:
Ejjew nieħu azzjoni flimkien!
Trid tiġġieled l-istereotipi u tgħin biex tippromwovi l-ugwaljanza bejn il-ġeneri? Biex tgħin tqajjem kuxjenza dwar dan is-suġġett, xerred il-materjal tal-kampanja bil-hashtag #EndGenderStereotypes.
Kulħadd għandu s-setgħa li jġib bidla!
- Digital kit - Възможности за избор на кариерабългарски
- Digital kit - Elección profesionalespañol
- Digital kit - Výběr povoláníčeština
- Digital kit - Karrierevalgdansk
- Digital kit - KarriereentscheidungenDeutsch
- Digital kit - Karjäärivalikudeesti
- Digital kit - Επιλογές σταδιοδρομίαςελληνικά
- Digital kit - Career ChoicesEnglish
- Digital kit - Choix de carrièrefrançais
- Digital kit - Roghanna gairmeGaeilge
- Digital kit - Izbor karijerehrvatski
- Digital kit - Scelte professionaliitaliano
- Digital kit - Profesijas izvēlelatviešu
- Digital kit - Karjeros pasirinkimailietuvių
- Digital kit - Pályaválasztásmagyar
- Digital kit - LoopbaankeuzesNederlands
- Digital kit - Wybór karierypolski
- Digital kit - Escolha de carreirasportuguês
- Digital kit - Alegeri de carierăromână
- Digital kit - Kariérne možnostislovenčina
- Digital kit - Izbira kariereslovenščina
- Digital kit - Uravalinnatsuomi
- Digital kit - Karriärvalsvenska
